“Ayuda nga dili kwarta!” Kini ang tawag ni Vice Mayor Rosalita “Nanay Lita” Nuñez sa mga libro nga personal niining gihatag sa General Santos City Library aron usab ipang apod-apod sa mga bagong abri na Barangay Reading Center sa syudad.
Nakita matud pa ni Nanay Lita nga kulang pa ang mga libro nga anaa sa mga Barangay Reading Center rason nga gi-donar niya ang mga personal niyang mga libro. “Nabasa na nako ni nga mga libro, it’s time to pass it on sa mga bata na wala’y access sa mga libro aron sila na pud ang maka-benepisyo ani,” Nanay Lita.
“Importante nga makatuon og basa ning mga bata. Ang bata nga edukado, mahimong residente nga responsable ug dili basta mailad,” dugang pa ni Nanay Lita.
Nanawagan usab si Nanay Lita sa ubang mga residente sa syudad nga ihatag o i-donar ang ilang mga libro nga wala na ginagamit sa ilang mga balay.