Dako ang pasalamat ni Vice Mayor Rosalita “Nanay Lita” Nuñez sa mga barangay kapitan ug purok chairperson sa Barangay Dadiangas West ug Barangay Tambler human nga pormal ng giabrihan ang duha ka Barangay Reading Center sa mga nasangpit na lugar. Kahinumduman nga dugay ng damgo ni Nanay Lita nga magpatukod og mga Reading Center sa mga barangay human nga mibagsak ang reading readiness sa mga estudyante sa nasud human ang COVID pandemic. “Kini nga ihatag nako sobra pa ni sa ayuda. Ang pagbasa sobra pa ni sa kwarta, ayuda ni nga pwede makapabag-o sa inyong kinabuhi ug sa kinabuhi sa inyong pamilya,” segun pa ni Nanay Lita.