GENERAL SANTOS CITY (Oktubre 10, 2024) – Mukabat sa P100,000 nga kantidad sa mga libro ang nadawat sa General Santos City Library pinaagi sa donasyon tungod usab sa pagpaningkamot ni Vice Mayor Rosalita Nuñez kauban ang “Friends of the Library” group Oktubre 10, 2024 sa Veranza Mall ning dakbayan. Ang nahisgutan na mga libro mga pinalit gikan sa Big Bad Wolf Book Sale, ang pinaka dakong book sale sa tibuok kalibuotan. Naghatag usab og dakong discount sa presyo sa mga libro ang Big Bad Wolf aron mas daghan pa ang libro nga mapalit sa natigom na kwarta ni Nanay Lita ug ang iyang grupo. “Dugay na nako gina ingon nga kinahanglan gyud tutukan ang pagbasa sa atong mga bata tungod kini makatabang kanila sa ilang pag eskwela ug sa makaandam sa ilaha alang sa tinuod na kalibutan,” saysay pa ni Nanay Lita.
