Aprubado na sa Sangguniang Panlungsod ang Supplemental Budget no. 5 series of 2023. Lakip sa maong Supplemental Budget ang sweldo alang sa mga job order workers sa Sangguniang Panlungsod, P50 million alang sa AMPING, ug kapin P23 milyones pesos alang sa EDUKAR. Kahinumduman nga nahimong kontrobersiyal ang maong Supplemental Budget human nga wala kini gipasa tungod wala naapil niini ang sweldo alang sa mga trabahante sa Sangguniang Panlungsod. Dako ang pasalamat ni Vice Mayor Rosalita Nunez human nga gitugutan ni Mayor Lorelie Pacquiao na maapil sa maong Supplemental Budget ang sweldo sa mga Job Order Workers.